Ба муносибати Рӯзи пойтахт бо ташаббуси Мақомоти иҷроияи ҳокимияти давлатии шаҳри Душанбе барои тарбиятгирандагони Мактаб-интернати №1 - кӯдакони ятим хатсайри махсуси сайёҳӣ ташкил гардид.

Дар доираи ин иқдом кӯдакон бо имкониятҳои сайёҳии пойтахт шинос шуда, аз мавзеъҳои ҷолиби шаҳр боздид намуданд. Ҳамчунин онҳо дар маркази савдою фароғатии Сиёма Молл лаҳзаҳои хотирмонро сипарӣ намуда, аз барномаи фароғатию истироҳатӣ баҳра бардоштанд.

Ташкили чунин чорабиниҳо дар баробари фароҳам овардани имкониятҳои фароғатӣ, инчунин ба таҳкими эҳсоси ғамхорӣ, таваҷҷуҳ ва дастгирии иҷтимоӣ мусоидат менамояд.